Burmese Translation of "Doomed to be Cannon Fodder".
Translator - Jinnie Grace
(၁၁၂) ရှက်ကိုးရှက်ကန်းဖြစ်၊ ပိုမိုရင်းနှီးလာခြင်း
လုံဟန့်အိပ်ယာထဲမှာ အိပ်နေတုန်းပဲ။ သူ့စိတ်ထဲမှာပိုင်ရှန်းရှို့ဖြစ်သွားတဲ့မျက်နှာလေးက အခုထိလတ်ဆတ်နေတုန်။ သူမက ရေအိမ်ကို၀င်ချင်လို့ သူ့အပေါ်ကနေကျော်သွားတာ။ ဒါပေမယ့်ဖြစ်ချင်တော့ သူမကျော်နေတုန်း သူကသူမကိုဖမ်းထားလိုက်တာပဲ။ ပြီးတာနဲ့ သူ့လက်ကနေမရုန်းနိုင်တဲ့ပိုင်ရှန်းရှို့ကို အားရပါးရအချိန်အတော်ကြာအောင် သူထိတွေ့နေမိတာ။ မျက်နှာလေးရဲပြီးမထိန်းနိုင်တဲ့ပုံနဲ့ ဒေါသတွေအလိပ်လိုက်ထွက်နေတဲ့ ပိုင်ရှန်းရှို့မျက်နှာကိုပြန်တွေးကြည့်မိတော့ မနေနိုင်ပဲ အကျယ်ကြီးအော်ရီမိတော့တာပဲ။
ရေအိမ်ထဲမှာထိုင်ရင်း ကိစ္စရှင်းနေတဲ့ပိုင်ရှန်းရှို့ကတော့ အခန်းထဲက ရယ်သံကြီးကိုကြားတော့ စိတ်တွေစပြီးတိုလာတော့တာပေါ့။ ရှက်လည်းရှက် ဒေါသလည်းထွက်နဲ့ နှုတ်ခမ်းကိုကိုက်ပြီး ဘာမှကိုမပြောနိုင်ဘူး။ သူ့အပေါ် ရှူးပေါက်ချမိမလိုဖြစ်အောင် သူကိုယ်တိုင်လုပ်တာပဲမဟုတ်ဘူးလား!
အဲ့လုံဟန့်ဆိုတဲ့တစ်ယောက်က တအားပဲ! ဒင်းက ငါနဲ့မွေးကတည်းက ရန်သူဖြစ်လာတာပဲနေမယ်။ ၀တ္ထုထဲမှာ ငါ့ကိုသေအောင်သတ်ထားတာကိုတောင် အခုအိပ်မက်ထဲမှာလည်း အသက်မရှူနိုင်အောင်လုပ်ပြန်ပြီ။ လူဆိုးကောင်! မနေ့တုန်းက သူ့ကို အကောင်းတွေးကိုမပေးခဲ့သင့်တာ။အခုတော့ တစ်ရက်တောင်မကူးသေးဘူး လူကိုအရှက်ကွဲအောင်လုပ်ပြီးပြီ။ ဒါပေမယ့် ရေအိမ်ထဲက သူမထွက်လာတော့ ရှက်လွန်းလို့ မျက်နှာကြီးရဲပြီး ခေါင်းတောင်မမော့နိုင်ဘူး။
လုံဟန့်ကလည်းဘာမှတော့မပြောပါဘူး။ သူမကိုကြည့်ရင်း အရီလည်းရပ်သွားပြီ။ ပိုင်ရှန်းရှို့ကတော့ ဒီအတိုင်းပြန်ကြည့်လိုက်ရင်း တိုးတိုးလေးပြောလိုက်တယ်။
"ရှင်က ဘာကိစ္စကျွန်မကိုကြည့်နေတာလဲ?"လုံဟန့်ကြောင်သွားတာပေါ့။ ဒီကောင်မလေးတကယ်စိတ်ဆိုးသွားပြီ။ သူမပြောတဲ့စကားကတောင် ခပ်ပြတ်ပြတ်နဲ့။ ဒါပေမယ့်လည်းသူ့အတွေးထဲမှာ ပိုင်ရှန်းရှို့က အရမ်းချစ်ဖို့ကောင်းနေတယ်။ အရင်ကလောက်သူ့ကိုမကြောက်တော့ဘဲ ပုံမှန်အတိုင်းပြောဆိုဆက်ဆံလာနိုင်တယ်။ အရင်ကဆို သူ့ကိုမလေးမစားလုပ်ရင် စိတ်တွေအရမ်းတိုတတ်တာ။ မွေးကတည်းက အရိုးထဲကအထိ မာနကြီးလာတာဆိုတော့ ပြင်လို့လည်းမရဘူး။
YOU ARE READING
ဗီလိန်ဖြစ်ရန် ကြမ္မာဖန် [Book 1]
Historical Fictionဘာသာျပန္ဝတၳဳပါ။ [Zawgyi + Unicode] ___ အမ်ိဳးသမီးဇာတ္ရံအျဖစ္ သူမ ဝတၳဳတစ္အုပ္ထဲ ေရာက္သြားခဲ့တယ္။ အဓိကဇာတ္လိုက္မင္းသားကို တစ္ဖက္သတ္စြဲမက္ေနခဲ့တဲ့ ဇာတ္ေကာင္ေပါ့။ သူမမွာ သူ႔လက္ကိုေတာင္ ဆုပ္ကိုင္ခြင့္မရလိုက္ဘဲ အရွင္လတ္လတ္ရိုက္သတ္ခံရမယ့္ ၾကမၼာရွိေနတယ္လား...