ဗီလိန်ဖြစ်ရန် ကြမ္မာဖန် [Book 1]

(၁၅၀) ဇာတ်လိုက်မင်းသားရဲ့ စွဲဆောင်မှုတွေ

Burmese Translation of "Doomed to be Cannon Fodder".

Translator - NC

(၁၅၀) ဇာတ်လိုက်မင်းသားရဲ့ စွဲဆောင်မှုတွေ

လုံဟန့် သဘောတွေကျမိလို့ အသံထွက်ရယ်မိတော့မလိုပဲ။ ဒါပေမဲ့ ခံစားချက် သိပ်မဖော်ပြတတ်တဲ့ ကိုယ်ရည်ကိုယ်သွေးကြောင့် ရယ်ချင်စိတ်ကို အောင့်ထားလိုက်နိုင်တယ်။ ဒါပေမဲ့ ပန်းအိုးအကွဲကို ရှင်းဖို့ တိတ်တိတ်ကလေး ရောက်လာတဲ့ ရှောင်ရှီခမျာမှာတော့ မနေနိုင်ဘဲ ရယ်လိုက်မိလေတယ်။ သူမ သခင်မတစ်ယောက်သာ အရိုက်ခံတာကို မနာအောင် ရိုက်ပေးဆိုပြီး တောင်းဆိုဖို့ ကြံကြံဖန်ဖန်အတွေးပေါက်တတ်တာ။

ပိုင်ရှန်းရှို့က အရိုက်မခံရတာ သေချာတဲ့အထိ ခေါင်းလေး ထိုးရင်း ငြိမ်နေတာပေါ့။ ရှောင်ရှီ့ရယ်သံကို ကြားတော့ သူမ စိတ်လဲတို၊ ရှက်လဲ ရှက်သွားပြီး ပြောတော့တယ်။ "ဘာ ရယ်စရာ ရှိနေလို့လဲ၊ သွားတော့...!"

သူမရဲ့ အခြွေရံလေးက တော်တော်ကို အလိုက်မသိတတ်တာပဲ။ သူများအတွဲက အိပ်ရာပေါ်မှာ "ချစ်ကြည်နူး တစ်တီတူး" နေတာကို သူမက ဒီမှာ ပန်းအိုးအကွဲကို လာလှဲကျင်းနေတယ်။

ပိုင်ရှန်းရှို့ ရှက်ရမ်း ရမ်းနေပုံလေးကလဲ လုံဟန့် အသည်းကို ကလိကလိဖြစ်သွားစေတာပေါ့။ ရှောင်ရှီ ရယ်သံကို ပါးစပ်နဲ့ အုပ်ကာ ထိန်းရင်း ထွက်ပြေးသွားတော့မှ၊ သူ့အချစ်ကလေးကို ရင်ခွင်ထဲ ထွေးပွေ့ထားလိုက်တော့တယ်။ "မနက်အောင် ရိုက်လို့ရမဲ့ တစ်နည်းတော့ရှိတယ်၊ စမ်းကြည့်ချင်လား"

ဇာတ်လိုက်မင်းသား ဘယ်ချိန်ကတည်းက စက်ဆီကျသွားတာလဲဟင်။ တချို့ကိစ္စတွေမှာ ပိုင်ရှန်းရှို့ အတွေ့အကြုံနုနေသေးလို့ မသိတာ ရှိမယ်ဆိုရင်တောင် သူ့လက်တွေက ရည်ရွယ်ချက်ကို အရှင်းသား ဖော်ပြနေပြီးသားပဲ။

"မလုပ်... ဟင့်... ထိနဲ့လေ၊ မညှစ်ပါနဲ့ဆို၊ အာ့..." သူမ မျက်ဝန်းတွေမှာ မျက်ရည်တွေ ဝေ့ဝဲတက်လာပြီရယ်။ သူ သူမကို ဘေးမဲ့ပေးထားတာ သုံးရက်မပြည့်သေးဘူးနော်၊ ပြီးတော့ အိပ်ရာက ထရင်ကို သူမ ခေါင်းမူးနေတာ။ ဒီလိုကိစ္စတွေ အပြီးမှာ ပုံမှန်လို နေထိုင်ရမဲ့ ရက်တွေကို တာ့တာပြဖို့ ကံကြမ္မာက ဖန်လာပြီလား။