ဗီလိန်ဖြစ်ရန် ကြမ္မာဖန် [Book 1]

(၁၁၉) အသားစားရင်း ပျော်ပွဲစားထွက်

Burmese Translation of "Doomed to be Cannon Fodder".

Translator  - ဂွေ့

(၁၁၉) အသားစားရင်း ပျော်ပွဲစားထွက်

ပိုင်ရှန်းရှို့ကတော့ သူမရဲ့ ခန္တာကိုယ်ကို အကျေနပ်ကြီးကျေနပ်​ေနမိတယ်။ သူမက အမြဲတမ်ူမ်းပုံဆွဲဖို့နည်းလမ်းရှာနေခဲ့တာ။သူမသာ ဒီရှူခင်းကိုတူအောင်ဆွဲနိုင်ခဲ့ရင် အတော်လေးကိုလှမှာပဲ။

အတွေးဆိုတာ လုပ်ဖို့ ဖြစ်တဲ့အတွက် ပိုင်ရှန်းရှို့တစ်ယောက် ပုံဆွဲဖို့ စာရွက်၊ မှင်နဲ့ စုတ်တံကိုယူခိုင်းလိုက်တယ်။ အားလုံးအဆင်သင့်ဖြစ်တာနဲ့ပုံစဆွဲတော့တယ်။ ဒီတစ်ခါတော့ ပုံကြမ်းချတာမဟုတ်ဘဲ  သူမစိတ်ကူးထဲကအတိုင်းဆွဲတာဆိုတော့ အချိန်နည်းနည်းတော့ယူရတယ်။ သူမလည်းအလျင်မလိုဘူးလေ။ ဘာပဲဖြစ်ဖြစ် ဇာတ်လိုက်မင်းသားလည်း အမဲလိုက်တာကနေချက်ချင်းပြန်လာဦးမှာမှ မဟုတ်တာ။

သူမရဲ့ပန်းချီဆွဲတဲ့ကိစ္စမှာ အရမ်းစိတ်နှစ်နေလို့မင်းသားလီပြန်လာတာကိုတောင် သူမ မသိလိုက်ဘူး။ သူပြန်လာတာနဲ့ ပိုင်ရှန်းရှို့ရဲ့ ကျော့ရှင်းတဲ့ပန်းချီဆွဲနေဟန်က သူ့မြင်ကွင်းထဲ ၀င်လာတယ်။ သူ့စိတ်ထဲမှာတော့ ဘယ်လောက်လှတဲ့မိန်းမလှတွေနဲ့ပဲယှဥ္ယှဥ် ပိုင်ရှန်းရှို့ကသာ အလှဆုံးပ​ဲ။ အဲ့ဒါကြောင့် သူမိလာတဲ့သားကောင်ကို တခြားတစ်ယောက်စီပေးလိုက်ပြီး သန့်စင်စေလိုက်တယ်။ သူကတော့ အခန်းထဲ၀င်ပြီး သူမပန်းချီဆွဲတာကို တိတ်တိတ်လေးစောင့်ကြည့်နေလိုက်တာပေါ့။ ဒီလိုလှပတဲ့မြင်ကွင်းကို သူတစ်ခါမှ မမြင်ခဲ့ဖူးသလိုမျိုး။

ရှောင်ရှီနဲ့ရှောင်ဟွမ်ကတော့ တစ်ယောက်နဲ့တစ်ယောက် မျက်စပစ်နေကြတယ်။ သူတို့သခင်မလေးအပေါ် မင်းသားက တမ်းတမ်းတတကြည့်နေတာကိုမြင်တော့ အပြုံးချင်းဖလှယ်လိုက်ကြတယ်။ဒါပေမယ့် မင်းသားဆီက အကြည့်တစ်ချက် ဒိုင်းခနဲရောက်လာလို့ တစ်ဖက်ကိုလှည့်ပေးလိုက်ရသေး။

ပန်းချီဆွဲပြီးတော့ ပိုင်ရှန်းရှို့တစ်ယောက် နည်းနည်းပင်ပန်းလာတယ်လို့ခံစားရတယ်။ အဲ့ဒါကြောင့် တခြားလူတွေဘာလုပ်နေလဲဆိုတာကိုကြည့်ဖို့ခေါင်းကိုမော့လိုက်တာပေါ့။ ၀င်လာတဲ့မြင်ကွင်းကတော့ အသက်၀င်လှတယ်။ လူတွေအများကြီးက သိုးနဲ့ကြက်တွေကို လှီးဖြတ်နေကြတာလေ။ သူမကအိမ်တော်ထဲမှာပဲအနေများတော့ သူမမှာသွေးကြောက်တဲ့ရောဂါရှိတာကိုတောင် မေ့နေပြီ။ အခုတော့ ဒီမြင်ကွင်းကိုမြင်ရရုံနဲ့တင် မသက်မသာခံစားလာရတယ်။