ဗီလိန်ဖြစ်ရန် ကြမ္မာဖန် [Book 1]

(၁၇၅) တရှိုက်မက်မက် ပြင်းပြင်းပြပြ အနမ်း

Burmese Translation of "Doomed to be Cannon Fodder".

Translator - NC

(၁၇၅) တရှိုက်မက်မက် ပြင်းပြင်းပြပြ အနမ်း

အခုတလော အပင်ပန်းခံထားရတော့ ပိုင်ရှန်းရှို့ ဒီညမှာ အတော်လေး အိပ်မောကျသွားခဲ့တာ။ စုန့်ကျောင်းယွဲ့ သူမ ကုတင်ဘေးမှာ လာထိုင်တာတောင်မှ သတိမထားမိလိုက်ဘူး။ သူမ လက်ကလေးက မေးစေ့နားမှာ အသာကလေးထိထားတယ်။ အသက်ရှူသံက တကယ့်ကို ညှင်ညှင်သာသာလေး။ ဆံနွယ်တွေက ​ပြေကျ ပွယောင်းနေပြီး သူမ မျက်နှာတစ်ဝိုက်ကို ဝဲကျနေတာ။ ဖြူစင်အပြစ်ကင်းနေသလို ငြို့ငင်စွဲဆောင်မှုလဲ ရှိနေတယ်။ စုန့်ကျောင်းယွဲ့ လက်လှမ်းလိုက်ပြီး သူမ ဆံနွယ်တွေကို အသာ သပ်တင်ပေးလိုက်တယ်။ ဒါပေမဲ့ သူမ လည်တိုင်က အသားဖြူဖြူကလေးဟာ သူ့အမြင်အာရုံကို လွှမ်းမိုးသွားတော့တာပဲ။

သူမက သိပ် သိပ်လှတယ်။ သူမ မျက်နှာသစ်လိုက်တဲ့အခါမှာ ပိုပြီးတော့တောင် အလှက ပေါ်လွင်သွားတယ်။ သူ့ မသိစိတ်ကအလိုလို ချောမွေ့ နူးညံ့နေတဲ့ သူမရဲ့လည်တိုင်ကလေးကို သွားပွတ်မိစေတယ်။ ခံစားချက်က ကျေနပ်စရာကောင်းလွန်းလို့ သူ့လက်ကို နောက်မဆုတ်နိုင်တော့အောင်ပဲ။ နောက်ဆုံးတော့ သူ ခေါင်းငုံ့လိုက်ကာ ခပ်ဟဟ ပွင့်အာနေတဲ့ သူမ နှုတ်ခမ်းလေးတွေကို နမ်းစုပ်မိတော့တယ်။ 

နှုတ်ခမ်းသားလေးတွေက နူးညံ့အိစက်နေပြီး ဆေးနံ့သဲ့သဲ့ ရတယ်။ သူက နည်းနည်းလေးပဲ မြည်းစမ်းကြည့်ချင်ရုံပါ။ ဒါပေမဲ့ သူ့နှုတ်ခမ်းတွေက သူမနှုတ်ခမ်းတွေရဲ့ အထိအတွေ့ကို သိပြီးနောက်မှာ ပရမ်းပတာ ခါရမ်းနေတဲ့ သူ့နှလုံးသားကို မထိန်းချုပ်နိုင်တော့ဘူး။

မြည်းစမ်းကြည့်ရာကနေ သိမ်းပိုက်ဝါးမျိုဖို့ ဖြစ်သွားတော့တယ်။ သူ အဲ့ဒီ စိုစိုအိအိ နှုတ်ခမ်းဖူးလေးတွေကို စုပ်ယူလိုက်မိပြီ။ သူ့ခေါင်းထဲမှာ တခြား ဘာမှ မတွေးနိုင်တော့အောင်ပဲ၊ လစ်ဟာနေပြီ။ သူ့ကိုယ်ကလဲ ဖြည်းဖြည်းချင်း သာသာလေး ကုတင်ပေါ်တက်သွားလိုက်ကာ သူမကိုယ်ပေါ်မှာ အုပ်မိုး ဖိထားလျက်သား ဖြစ်သွားပြီ။ စုန့်ကျောင်းယွဲ့က ပိုင်ရှန်းရှို့ကို နမ်းနေပုံဟာ ပြုစား စိတ်ညှို့ခံထားရလို့ ယစ်မူးနေသလိုမျိုး။ သူ့လက်တွေကပါ အထိန်းအကွပ်မဲ့ ဖြစ်လာတော့တယ်။