ဗီလိန်ဖြစ်ရန် ကြမ္မာဖန် [Book 1]

(၁၇၀) ခရီးအတူသွား၊ အန္တာရယ်များ

Burmese Translation of "Doomed to be Cannon Fodder".

Translator  - ဂွေ့

(၁၇၀) ခရီးအတူသွား၊ အန္တာရယ်များ
______________________

ယွီခွမ်းက သူကိုယ်တိုင် သူမကိုမြို့တော်အထိခေါ်သွားပေးလိမ့်မယ်လို့ ပိုင်ရှန်းရှို့မထင်ခဲ့ဘူး။ ဒါပေမယ့် လှည်းထဲမှာ လက်ဆောင်တွေကိုတွေ့တာရော၊ သေချာ၀တ်စားထားတဲ့ ယွီခွမ်းကိုမြင်ရတာရောဆိုတော့ သူပြောတဲ့ လက်ထပ်မယ်ဆိုတာကြီးကို သတိရသွားမိတော့တယ်။ သူမစိတ်ထဲမအီမလည်ဖြစ်သွားတာပေါ့။ အဲ့ဒ့ါကြောင့်ခရီးစစချင်းပဲ အပြင်ဖက်ကလူကို ရှင်းပြဖို့ကြိုးစားရတော့တယ်။
"ဂိုဏ်းချုပ်ယွီ"

"အခေါ်အ​ေ၀ါ်ဆင်ခြင်"
ယွီခွမ်းက လုံဟန့်နဲ့ယှဥ္ရင် လူကောင်နည်းနည်းသေးတယ်လို့ပြောလို့ရတယ်။ ပိုပြီးအရေးကြီးတာက ပိုင်ရှန်းရှို့က သူ့ကိုပိစိလေးတောင်မကြောက်ဘူး။ အဲ့ကျ ပြောလည်းပြောပြောပဲ။ စိတ်ထဲမရှိဘူး။

"အော်...ဒါဆိုလည်း ဆရာယွီပေါ့ရှင်။ ကျွန်မရှင့်ကို ရှင်းပြစရာကျန်နေသေးတယ်။ မြင်လား။ ရှင် အထင်လွဲနေတာ။ အဲ့နေ့က ကျွန်မတို့ဘာမှမဖြစ်ခဲ့ဘူး။ အဲ့ဒါကြောင့် ရှင် ကျွန်မကို တာ၀န်ယူဖို့မလိုဘူး။

"အို့?"

"အဲ့သွေးတွေက ကျွန်မလက်က ဒဏ်ရာက ထွက်လာတဲ့သွေးလို့။ မြင်တယ်မလား?"
ပိုင်ရှန်းရှို့က သူမရဲ့ ဒဏ်ရာ ထားတဲ့လက်ကိုထုတ်ပြတယ်။

ယွီခွမ်းလှမ်းကြည့်လိုက်တော့ သူမရဲ့လက်မှာ ရှရာလေးတစ်ခုတွေ့တယ်။ ဆိုတော့ကား သူတို့ဘာမှမဖြစ်ခဲ့ကြဘူးပေါ့။ ဒီအတိုင်း အတူတူအိပ်ရုံပဲကေါ့။ ယွီရှုကလည်းအဲ့လိုလုပ်မှာမှ မဟုတ်တာ။ သူအသက်ကိုရှုထုတ်ပြီး မျက်မှောင်ကြီးကျုံ့လိုက်တယ်။
"ဘာနေနေ မင်းနဲ့ငါက အသားချင်းထိပြီးသွားပြီဆိုတော့ ပြောင်းလဲသွားတာမျိုးမရှိပါဘူး"

"ကျွန်မပြောပြမယ် ဆရာယွီ။ ကျွန်မက အိမ်တော်တစ်ခုက ကိုယ်လုပ်တော်လေ။ ရှင်က ဘယ်သူ့ဆီသွားပြီး လက်ထပ်ခွင့် သွားတောင်းမှာလဲ"

"ဘာ!"
ယွီခွမ်းက မြင်းကိုရပ်ပြီး လှည်းရဲ့ကန့်လန်ကာကို တစ်၀က်လောက်ထိ တင်လိုက်တယ်။ ပိုင်ရှန်းရှို့ကိုမြင်ရအောင်လေ။သူ သူမကိုသေချာကြည့်တာ ဒါပထမဆုံးပဲ။ ပိုင်ရှန်းရှို့လည်း စိတ်လှုပ်ရှားသွားတယ်။