Burmese Translation of "Doomed to be Cannon Fodder".
Translator - ဂွေ့
(၁၇၆) အကျဉ်းချခံရ...မုန်တိုင်းထန်တော့မယ့် လက္ခဏာလေလား?
ပိုင်ရှန်းရှို့မှန်တယ်။ လက်ထပ်ဖို့မပြောခင် သူကျော်လွှားရမယ့်အခက်အခဲတွေဆိုတာ မြင့်မိုရ်တောင်လိုပဲ။ အကောင်းဆုံး ဥပမာကတော့ သူ့မိသားစုပဲ။ စုန့်မိသားစုက မင်းသားလီအိမ်တော်လောက် မကြွယ်၀ရင်တောင် ့သြဇာလွှမ်းမိုးမှုရှိတဲ့အိမ်တော်တွေထဲက တစ်ခုပဲ။ သူတို့က အိမ်တော်ခွဲတစ်ခုဖြစ်နေရင်တောင် နောက်ခံမရှိတဲ့မိန်းကလေးကိုလက်ခံကြမှာမဟုတ်ဘူး။ ပိုဆိူးတာက သူမဟာ တခြားလူရဲ့ကိုယ်လုပ်တော်ဖြစ်ပြီးနေပြီ။ သူတို့နဲ့သေချာပေါက် အတိုက်အခံတွေလုပ်ရလိမ့်မယ်။ စုန့်ကျောင်းယွဲ့ကိုယ်တိုင်တောင် သူ့မိသားစုကိုနားချနိုင်ပါ့မလားဆိုတာ မသေချာဘူး။ သူမမှန်တယ်။ သူမကိုအိမ်တော်ထဲခေါ်မသွင်းနိုင်ခင်မှာကိုပဲ သူအစီအစဥ် တွေအများကြီးချရလိမ့်မယ်။
"ကျွန်မတို့အွပ် အရမ်းခက်တာရှင်သိပါတယ်။ မဖြစ်နိုင်တာသိရက်ကြီးနဲ့ ဘာကြောင့်စိတ်ရှုပ်ခံတော့မလဲ? ဒီအကြောင်းကိုမေ့ပစ်လိုက်တာပဲကောင်းပါတယ်။ ကျွန်မတို့နှစ်ယောက်လုံး စိတ်ငြိမ်ဖို့ အချိန်လိုတယ်။"
သူမပြောပြီးတာနဲ့ မျက်နှာကိုတစ်ဖက်လွှဲလိုက်တယ်။ ပြီးမှဆက်ပြောလေတယ်။ "ကျွန်မတို့ မြို့တော်ကို ပြန်ဖို့သင့်ပြီ"ငါဒီမှာဆက်နေရင် သေချာပေါက်ဒုက္ခရောက်တော့အှာ။ သူငါ့ကိုတစ်ခါ နှောင့်ယှက်ပြီးပြီဆိုတော့ ဒုတိယ တတိယအကြိမ်တွေမလာဘူးလို့မပြောနိုင်ဘူး။ ဒီမှာဆက်နေနေရင် လုံဟန့်ခေါင်းပေါ် မြက်ဖုတ်စိမ်းကြီး ဆောင်းပေးမိတော့မှာလား မသိနိုင်ဘူး။
ကံဆိုးချင်တော့ စုန့်ကျောင်းယွဲ့က သူမလက်ကိုဖမ်းဆွဲပြီးပြောလေတယ်။
"မင်း အိမ်တော်ကိုပြန်သွားရင် သူက မင်းကိုထိခိုက်အောင်လုပ်တော့မှာ။ အဲ့ဒါကြောင့် ဒီမှာပဲနေဦး""ကျွန်မ...."
"စုန့်ကျောင်းယွဲ့!!!!!!!!"
ဒေါသသံစွက်နေတဲ့ အသံနက်ကြီးဟာ အခန်းထဲမှာ ပဲ့တင်ထပ်သွားတော့တယ်။ သူမတို့နားစည်တွေတောင်ကွဲမတတ်ပဲ။ ပိုင်ရှန်းရှို့ ချက်ချင်းပဲ သူမလက်ကိုရုန်းလိုက်ပြီး အနောက်ကိုဆုတ်လိုက်တယ်။ ချက်ချင်းဆိုသလိုပဲ လက်အကြီးကြီးတစ်ဖက်က သူမကိုဆွဲယူသွားပြီး သူ့ရင်ခွင်ထဲဆွဲသွင်းလိုက်တာပေါ့။ သူမကို ဖက်ထားပုံက ပိုင်ဆိုင်ကြောင်းပြတဲ့ပုံ အပြည့်နဲ့။
YOU ARE READING
ဗီလိန်ဖြစ်ရန် ကြမ္မာဖန် [Book 1]
Historical Fictionဘာသာျပန္ဝတၳဳပါ။ [Zawgyi + Unicode] ___ အမ်ိဳးသမီးဇာတ္ရံအျဖစ္ သူမ ဝတၳဳတစ္အုပ္ထဲ ေရာက္သြားခဲ့တယ္။ အဓိကဇာတ္လိုက္မင္းသားကို တစ္ဖက္သတ္စြဲမက္ေနခဲ့တဲ့ ဇာတ္ေကာင္ေပါ့။ သူမမွာ သူ႔လက္ကိုေတာင္ ဆုပ္ကိုင္ခြင့္မရလိုက္ဘဲ အရွင္လတ္လတ္ရိုက္သတ္ခံရမယ့္ ၾကမၼာရွိေနတယ္လား...