ဗီလိန်ဖြစ်ရန် ကြမ္မာဖန် [Book 1]

(၁၃၈) ထူးဆန်းသော အဆိပ် (၁)

Burmese Translation of "Doomed to be Cannon Fodder".

Translator - ငဂွေ့

(၁၃၈) ထူးဆန်းသော အဆိပ် (၁)

လုံဟန့်က အတွင်းဆောင်က ကိစ္စတွေကိုအပြင်သယ်ရတာကြိုက်တဲ့သူမျိုးတော့မဟုတ်ဘူး။ အရင်ကတည်းက အဲ့လိုပဲ။ ပြီးတော့ အခုမှပြန်လာနိုင်တဲ့သူ့ရှေ့က အမျိုးသမီး​ေလးကိုလည်းအနှောက်အယှက်မပေးချင်ဘူး။ သူမမျက်နှာလေးက ဖြူဖျော့ပြီး အားနည်းနေတာ။ သူမကိုဘယ်လိုနှစ်သိမ့်ရမလဲ သူမသိတော့ဘူး။

ဒါနဲ့နေပါဦး။ ခဏလေး​ေ၀းသွားတာနဲ့ သူမဆီကအနံ့ကဘာလို့အဲ့လောက်ကောင်းလာရတာလဲ?  ပြီးတော့ ပုံမှန်ရနေကျရနံ့နဲ့မတူဘူး။ သူပြောမပြတတ်ပေမယ့် အတော်လေးဆွဲဆောင်မှုရှိတာတော့သိတယ်။ တခြားလူတွေရှိတာတောင်သတိမထားမိတော့ပဲ သူမနားတဖြည်းဖြည်းကပ်သွားမိတယ်။

သူမအနားကိုလုံဟန့်ကပ်လာတာကိုပိုင်ရှန်းရှို့ခံစားမိတယ်။အရမ်းကိုအန္တရာယ်ရှိတဲ့အကွာအ​ေ၀းဖြစ်နေပြီ။ သူမက အိပ်ယာပေါ်မှာမှောက်လျက်ရှိနေတာဆိုတော့ ဘယ်ကိုမှလည်းထပြေးလို့မရဘူး။ ဒါပေမယ့် သူမနည်းနည်းတော့မသက်မသာဖြစ်လာသလိုပဲ။ ဒီပုံစံဖြစ်နေတာတောင် သူကအနားကိုကပ်ပြီး ဘာလုပ်ချင်နေတာလဲမသိဘူး။

အော် ဟုတ်သားပဲ။ သူမက အခုထိ သဲုးရက်ကြာမူးရစ်ရီ​ေ၀စေမှုအဆိပ်မိထားတုန်းပဲ။ သူ့ကိုအဲ့အကြောင်းပြောလိုက်ရမလား။ ပြောလိုက်ရင်တော့ သူက ချက်ချင်းဖြေဆေးရှာပေးမှာပဲ။  ဒါပေမယ့်လည်း သူမအိပ်ယာထဲလဲနေတာတောင် စားချင်နေတုန်းပဲလား?
"အရှင်မင်းသား....ကျွန်မရဲ့မျက်နှာက....."

သူမ​လန့်နေပြီလေ...

လုံဟန့်ကတော့မျက်မှောင်ကြိးကျုံ့သွားတယ်။ သူ့ မုဒ်၀င်နေတာကိုဖျက်ရမလားဆိုပြီး။  ဒါပေမယ့်လည်း မျက်နှာကိုဂရုမစိုက်တဲ့ မိန်းမဆိုတာ ရှိမှမရှိတာ။ အဲ့ဒါကြောင့်သူမရဲ့စကားကို ရုပ်ရည်ကိုအရမ်းဂရုစိုက် အလှကြိုက်တဲ့မိန်းကလေးရဲ့စကားပဲဆိုပြီး အဓိပ္ပါယ်လွဲပြီးမှတ်ယူလိုက်လေတယ်။
"မျက်နှာလေးတစ်ခုပဲကို မင်းဘာတွေစိုးရိမ်နေတာလဲ။ မပူနဲ့ ငါမင်းအတွက်သမားတော်ကောင်းကောင်းရှာပေးမယ်"