ဗီလိန်ဖြစ်ရန် ကြမ္မာဖန် [Book 1]

(၁၇၄) အသည်းပါတာလား မပါတာလား?

Burmese Translation of "Doomed to be Cannon Fodder".

Translator  - ဂွေ့

(၁၇၄) အသည်းပါတာလား မပါတာလား?

သူမသာ ယွီခွမ်းနဲ့ဆက်ရှိနေရင် ဘယ်လိုပြဿနာတွေဖြစ်လာမလဲဆိုတာကို မပြောတတ်ဘူး။ အရေးအကြီးဆုံးက သူက ဇာတ်ပို့မင်းသားအဆင့်တောင်မဟုတ်ဘူးလေ။  အဲ့ဒါကြောင့် သူ့အကြောင်းလည်းသူမ မသိသလို သူမ လုပ်နိုင်တဲ့ဘောင်နဲ့လည်းလွတ်ထွက်နေတယ်။ အဲ့ဒါကြောင့် စုန့်ကျောင်းယွဲ့ကို အကူအညီတောင်းရင်း ယွီခွမ်းကိုလည်းပြောရတယ်။
"ရှင်လည်း အခု ရှင့်နောက်ကို လုပ်ကြံသူတွေလိုက်တာ ခံနေရတာမလား။ ကျွန်မကိုပါ ခေါ်သွားရင် အဆင်မပြေလောက်ဘူးထင်တယ်။  ရှင့်ကိစ္စကို အရင်ရှင်းတာကောင်းမယ်ထင်တယ်။

ယွီခွမ်းရဲ့အကြည့်က နည်းနည်းသက်တောင့်သက်သာ ဖြစ်သွားသသလိုပဲ။ အမှန်ဆို သူ့ရဲ့ရန်သူတွေကလည်း ကိုင်တွယ်လို့လွယ်တဲ့သူမျိုးတွေမဟုတ်ဘူး။  ပြီးတော့ အသေသတ်ချင်နေကြတာ။ ခဏလောက်တုံ့ဆိုင်းနေပြီးမှသူပြန်ပြောလိုက်တယ်။
"ဒါဆို ငါ့ကိုလိပ်စာပြော။ နောက်ကျရင် ငါလာရှာမယ်"

"​မြို့တော်မြောက်ဖက်ဂိတ်နားက စုန့်မိသားစု"
စုန့်​ကျောင်းယွဲ့က  သူ့အိမ်လိပ်စာကိုပဲ တုံ့ဆိုင်းခြင်းမရှိပြောပြလိုက်တယ်။
ယွီခွမ်းကတော့ ဘယ်ယုံမလဲ။ သူက ပိုင်ရှန်းရှို့ကိုထပ်ကြည့်လေတယ်။

ပိုင်ရှန်းရှို့လည်း သူမင်းသားလီအိမ်တော်ကိုလာရှာမှာကို စိုးရိမ်တာပဲ။ အဲ့ဒါကြောင့် လိပ်စာကိုထပ်ရွတ်ပြလိုက်တယ်။
"မြို့တော်မြောက်ဖက်ဂိတ်နားက စုန့်မိသားစု..."

ပြီးတာနဲ့ စုန့်ကျောင်းယွဲ့ကို အားနာနာနဲ့လှမ်းကြည့်မိတယ်။ တစ်ခုခုဖြစ်ခဲ့ရင် ကျွန်မကို ဗွေမယူပါနဲ့။

စုန့်မိသားစုကို ယွီခွမ်းသိပြီးသားပါ။ မြို့တော်ထဲက ၀ူးလင်ကိစ္စတွေကိုကြီးကြပ်ရတဲ့ အမှုထမ်းတစ်ယောက်ရှိတယ်။ သူက စုန့်အိမ်တော်ကခေါ်ထားတဲ့သူ။ ကြည့်ရတာ လော့ယွင်ကျန်းက ၀ူးလင်ကို ဘယ်ညာအရပ်မျက်နှာတိုင်းကလူတွေနဲ့ ရန်သူဖြစ်အောင်လုပ်နေတာနေမယ်။ ဒါမျိုးကို သူထပ်သည်းမခံတော့ဘူး။