ဗီလိန်ဖြစ်ရန် ကြမ္မာဖန် [Book 1]

(၁၂၄) အရံမင်းသား ထောင်ချောက်ဆင်ခံရ

Burmese Translation of "Doomed to be Cannon Fodder".

Translator  - ဂွေ့

(၁၂၄) အရံမင်းသား ထောင်ချောက်ဆင်ခံရ

ဇာတ်လိုက်မင်းသမီးရဲ့ ရှုပ်ထွေးမှုတွေကိုခဏထားဦး...အခု ဟိုမှာ မင်းသားနဲ့ ဇာတ်ပို့မင်းသားတွေ့နေပြီ။

သူတို့နှစ်ယောက်ကတော့ မြင်လိုက်တာနဲ့ မျက်ထောင့်နီကြီးတွေနဲ့ တစ်ယောက်ကိုတစ်ယောက်ကြည့်တော့တာပဲ။ ပိုင်ရှန်းရှို့အခန်းထဲ ညကြီးမင်းကြီး၀င်လာတဲ့ အဲ့ကောင်ကိုလုံဟန့်တစ်ယောက် အသေကြိတ်ပစ်ချင်နေပြီ။ ဒါအရမ်း ရဲတင်းလွန်းတာမဟုတ်ဘူးလား။

ဒါပေမယ်လည်း လော့ယွင်ကျန်းဖက်မှာကျ ဒီလိုတွေးနေမိတယ်။
"ချီး...သေစမ်း ငါ အဲ့ကောင်မလေးရဲ့ထောင်ချောက်ထဲကျသွားပြီ! သေချာပေါက်လင်ချန်းဇီအဆောင်ဖက်ကို ရိုရိုကျိုးကျိူးနဲ့သွားတာကို မြင်လိုက်ပါတယ်။ အစေခံကလေးမလေးကို နှစ်ကိုယ်ကြားပြောပြီး ဆရာ၀န်ခေါ်ခိုင်းတာပဲရှိတာ။ အဲ့ကောင်မလေးကိုသုံးပြီး လုံဟန့်ကိုခေါ်လိမ့်မယ်လို့ ငါမတွေးမိလိုက်ဘူး။ ဆရာ၀န်ရဲ့အဆောင်ထဲကို၀င်သွားတာမြင်လိုက်ပေမယ့် ထွက်လာတာတော့ မတွေ့ရဘူး။

ဒါကဘာကိုပြနေတာလဲ? ဘာကိုပြနေတာလဲဆိုရင် သူမက သူတိုက်တဲ့အဆိပ်ကိုဂရုမစိုက်ဘဲ သူ့နောက်ကွယ်မှာ လှုပ်ရှားလိုက်တယ်ဆိုတာပဲ။ လုံဟန့်အပေါ်ထားတဲ့ သစ္စာရှိမှုကိုတော့ ချီးကျူးပါတယ်။ ဒါပေမယ့် သူမက အသက်ကိုတောင် ဂရုမထားတတ်တဲ့ စွန့်စားရဲတဲ့သူဆိုတာကိုတော့ သူတွေးမထားခဲ့မိဘူး။

အကွက်ရွေ့ခံလိုက်ရတဲ့ကိစ္စကိုတော့ ဘယ်သူမှပျော်မှာမဟုတ်ဘူး။ အဲ့ဒါကြောင့် နှစ်ယောက်သားတွေ့လိုက်တယ်ဆိုရင်ပဲ နှုတ်တောင်မဆက်နိုင်တော့ဘူး။ တန်းပြီးအသေအကြေတိုက်ခိုက်ကြတော့တယ်။သေချာတာပေါ့။ လုံဟန့်က ပိန်းဥမှမဟုတ်တာ။ အစောင့်တစ်သိုက်ကိုခေါ်လာခဲ့သေးတာ။ သူစိုးရိမ်တာတစ်ခုပဲ။ ဒီသတင်းသာပြန့်သွားရင် သခင်မရှို့ရဲ့ဂုဏ်သတင်းထိခိုက်နိုင်တယ်။ ရလာဒ်အနေနဲ့ကတော့ နောက်ဆုံးအချိန်အထိ အကြိတ်အနယ်ကို ချကြတော့တာပေါ့။