176 01
အခန်း (၁၇၆)
အတန်းခွဲဝေမှု (၁)
ရထားလုံးဟာ အမျိုးသမီး အကယ်ဒမီ၏ အရှေ့ဘက် ဂိတ်ရှေ့တွင် ရပ်တန့်သွားသည်။ လုလင်ကျစ်ဟာ ယဲ့ကျန်းကို အထဲသို့ ကိုယ်တိုင်ကိုယ်ကျ ပို့ရန်မသင့်လျော်ကြောင်း ခံစားမိသည်။ ထို့ကြောင့် ဂိတ်ဝတွင်သာ နှုတ်ဆက်စကား ဆိုလိုက်ရသည်။
"တတိယညီမလေးက ညီမလေးကို ကရုစိုက်ပေးဖို့ အစေခံကို ခေါ်မသွားချင်ဘူးဆိုတော့ အကယ်ဒမီထဲမှာ နေထိုင်ရတာ အခက်အခဲများရှိရင် လူလွှတ်ပြီး အကြောင်းကြားလိုက်ပါ"
သူကပြောသည်။
ယဲ့ကျန်းက ပြုံးပြီးခေါင်းညိမ့်သည်။
"ကျွန်မသိပါတယ် အကြီးဆုံးအစ်ကို မစိုးရိမ်ပါနဲ့"
သူမက ကိုယ့်ကိုယ်ကို ကောင်းကောင်း ကရုစိုက်နိုင်သည်။
လုလင်ကျစ်က ယဲ့ကျန်းကို အပြုံးနှင့်ကြည့်နေပြီးနောက် ရထားလုံးပေါ်သို့ ပြန်တက်ကာ ထွက်သွားသည်။
အခြားသော မိန်းကလေးများနှင့် မတူညီစွာပင် ယဲ့ကျန်းဟာ မည်သည့် အဝတ်အထည် အသုံးအဆောင် ပစ္စည်းများပါသော အိတ်များကိုမျှ သယ်ဆောင်လာရန် မလိုအပ်ချေ။ ဖေးရှီက နဂိုကတည်းက လူလွှတ်ကာ သူမ၏ အသုံးအဆောင် ပစ္စည်းတိုင်းကို အဆောင်သို့ ပို့ထားပြီးသားဖြစ်သည်။
"ယောင်ယောင်"
သူမက ဝင်ပေါက်တွင်သာ ရှိသေးသည်။ တစ်စုံတစ်ယောက်က သူမ၏နာမည်ကို လှမ်းခေါ်လိုက်သံကို ကြားလိုက်ရသည်။ ထို့ကြောင့် ချက်ချင်း လှည့်ကြည့်လိုက်သည့်အခါ နူးညံ့သော အဝါရောင် ပုံရိပ်လေးတစ်ခုက နီးကပ်လာကြောင်း မြင်လိုက်ရသည်။ ထိုကောင်မလေး၏အပြုံးက တောက်ပကာ ချိုမြိန်သည်။ သူမက ယဲ့ကျန်းကို စိတ်လှုပ်ရှားစွာဖြင့် လက်ယမ်းပြနေသည်။
သူမ၏ မျက်ဝန်းမှ တောက်ပမှုနှင့် စိတ်လှုပ်ရှားမှု၏ သက်ရောက်ခံလိုက်ရသော ယဲ့ကျန်းဟာလည်း ဒါကသူ ယခင်စာမေးပွဲတွင် တွေ့ဆုံခဲ့သော စွန်းဝမ်ဖြစ်ကြောင်း သတိရလိုက်သည်။ သူမက နေရာတွင်သာ ရပ်လျှက် စွန်းဝမ်က တောက်ပသောအပြုံးနှင့် နီးကပ်လာရန် စောင့်ဆိုင်းလိုက်သည်။