183 01
အပိုင်း (၁၈၃)
ခေါင်းကိုငုံ့ထားသည့်ယဲ့ကျန်းက ဆရာချင် မေးလိုက်သောဖြေဆိုမှုအားလုံးကို ဖြေရှင်းရန်ကြိုးစားနေပြီဖြစ်သည်။ ဆေးပင်များဟာ အမျိုးအမည်ရှုပ်ထွေးသော်လည်း အကြမ်းအားဖြင့် ခွဲခြမ်းစိတ်ဖြာ၍ရနေသေးသည်။
ထိုဆေးပင်သုံးမျိုးဟာ ဆေးများအဖြစ်အသုံးပြုသည်။ ပိုင်စုန့်ဟာ ခန္ဓာကိုယ်အပူချိန်ကို သာမန်ပြန်ဖြစ်အောင် လျှော့ချပေးနိုင်စွမ်းရှိပြီး ဆီးရွှင်စေသည်။ သွေးဖိအားကိုလည်း လျှော့ချပေးနိုင်စွမ်းရှိပြီး သွေးထွက်တိတ်အောင်လည်း လုပ်၍ရသည်။ သို့သော် သက်ရောက်မှုဟာ သုံးသည့်နည်းလမ်းအပေါ် မူတည်ပြီး ကွာခြားသွားမည်ဖြစ်သည်။
ကျင်းထျန်းကမူ ထိုမှရောဂါများကို အရောင်ကျစေနိုင်စွမ်းရှိခြင်း၊ အဖျားကျစေ နိုင်စွမ်းရှိခြင်း၊ ကလေးနှင့်သက်ဆိုင်သောရောဂါများကို ပျောက်ကင်းစေနိုင်ခြင်း စသည်တို့အတွက် အသုံးဝင်လေသည်။ ကျင်းထျန်းဟာ ရောဂါများအတွက်လည်း သက်ရောက်မှုရှိပြီး အမြင်အာရုံကိုလည်း တိုးတက်ကောင်းမွန်စေနိုင်စွမ်းရှိသည်။
မူရုန့်သည် နှလုံးအပူမီးကိုငြိမ်းအေးချမ်းစေနိုင်စွမ်းရှိခြင်း၊ သွေးအေးခဲခြင်းကို လျော့ကျပေးနိုင်စွမ်းရှိခြင်း၊ အပူဖယ်ရှားပေးနိုင်စွမ်းရှိခြင်း၊ အဆိပ်များကို ဖယ်ရှားပေးနိုင်ခြင်း စသည့်ရောဂါများအတွက် အသုံးဝင်လေသည်။
သည်လောက၏ဆေးဝါပညာစာအုပ်များထဲတွင် ဆေးပင်များအကြောင်း အထူးတလည်သီးသန့်မှတ်တမ်းတင်ထားသော စာအုပ်များက နည်းပါးလေသည်။ ယခုလိုမည်သည့်အရာမျှ သေချာမသင်ရသေးဘဲ ဆေးဝါးအပင်များအကြောင်း မေးမြန်းလာခြင်းက သူတို့အပေါ် ရေနွေးပူလောင်းချလို၍ မဟုတ်လောက်ချေ။ ထို့အစား သူတို့၏စွမ်းရည်အကြောင်း အနည်းငယ်သိချင်သောကြောင့် ဖြစ်လောက်လေသည်။ ရိုးရှင်းစွာဆိုရလျှင် ထိုဆရာ၏အကဲဖြတ်ရန် အသုံးပြုလိုက်သောနည်းလမ်းဟာ သူ၏မြင်နိုင်စွမ်းရည်အပေါ် ဖော်ပြနေသည်။
